حلت الفنانة هند حسنى، ضيفة على برنامج " التاسعة" الذى يذاع على القناة الأولى تقديم الإعلامى يوسف الحسينى، أمس الأربعاء، وتحدثت عن ذكرياتها مع الفنان الراحل فؤاد المهندس و كشفت كواليس مسرحية " هالة حبيبتى".
وقالت هند:" مسرحية هالة حبيبتى كانت نتاج تدربيات كتير في الرقص والغناء والتمثيل بحب وثقة و كانوا بيعملونا أننا فنانين وليس أطفال، فمثلا عملاقة زى سناء يونس تستنى أقول جملتى والناس تسقف ليا وبعد كده تقول جملتها قد ايه هي عظيمة و الكتابة رائعة".
وتحدثت هند عن لقاءها القديم مع الإعلامى مفيد فوزى وسعادتها بتداوله مرة أخرى وتصدره التريند لأيام، قائلة:" الفيديو ظهر طلع تريند تانى ونمت صحيت لقيت مرات خالى بعتهولى و عاوزه أشكر اللى نزله تانى على اليوتيوب أنا فكرة انى عملت الحوار ولكن نسيت تفاصيله وتفاجأت بحديث فؤاد المهندس وشويكار عنى في الفيديو، واللى فرحنى أكتر أن أستاذ مفيد لسه متابعنى وبيتكلم عنى ودى شهادة هفضل مشيه بها طول عمرى".
وأضافت:"أنا ربنا ادانى حظ أنى اشتغلت مع عظماء الفن سواء فنانين أو مخرجين، ونفسى أرجع التمثيل تانى وكل جيلى عنده استعداد يرجع تانى ".
تم أضافة تعليقك سوف يظهر بعد المراجعة