انتشرت خلال الساعات الماضية أغنية "يا مصر قومى وشدى الحيل"، على مواقع التواصل الاجتماعى للشيخ إمام، وذلك عقب الأحداث الأخيرة لتفجير الكنيسة البطرسية، وانفجار كمين الهرم، لتقوية عزيمة المصريين للانتفاضة ضد الإرهاب الغاشم.
وتقول كلمات الأغنية التى كتبها نجيب شهاب الدين ولحنها وغناها الشيخ إمام:
يا مصر قومى وشدى الحيل .. كل اللى تمنيه عندى
لا القهر يطوينى ولا الليل .. آمان آمان آمان بيرم أفندى
رافعين جباه حرة شريفة .. باسطين أيادى تأدى الفرض
ناقصين مؤذن وخليفة .. ونور ما بين السما والأرض
يا مصر عودى زى زمان .. ندهة من الجامعة وحلوان
يا مصر عودى زى زمان .. تعصى العدو وتعاندى
آمان آمان بيرم أفندى .. يا مصر
يا مصر قومى وشدى الحيل .. كل اللى تتمنيه عندى
لا القهر يطوينى ولا الليل ..آمان آمان آمان بيرم أفندى
الدم يجرى فى ماء النيل .. والنيل بيفتح على سجنى
والسجن يطرح غلة وتيل .. نجوع ونتعرى ونبنى
يا مصر لسه عددنا كتير .. لا تجزعى من بأس الغير
يا مصر ملو قلوبنا الخير .. وحلمنا ورد مندى
آمان آمان بيرم أفندى .. يا مصر
يا مصر قومى وشدى الحيل .. كل اللى تتمنيه عندي
لا القهر يطوينى ولا الليل ..آمان آمان آمان بيرم أفندى
يسعد صباحك يا جنينة .. يسعد صباح اللى رواكي
يا خضرا من زرع إدينا ..شربت من بحر هواكى
شربت من كاس محبوبي .. وعشقت نيل أسمر نوبى
وغسلت فيه بدنى وتوبي .. وكتبت اسمه على جلدي
آمان آمان آمان بيرم أفندى .. يا مصر
تم أضافة تعليقك سوف يظهر بعد المراجعة