قال مروان موسى مغنى راب، موسيقى، كاتب أغانى، منتج موسيقى وممثل مصرى، أنا بدأت غناء فى 2016 وبعدها بعدة أشهر جالى خبر مرض والدتى فكانت بالنسبة لى محنة، خاصة أنى ليس لى أشقاء، وبعدها تم تحويل المحنة لمنحة وجانى شغل كتير.
وأضاف مروان موسى، خلال حواره ببرنامج "ع المسرح"، مع الإعلامية منى عبد الوهاب، على قناة الحياة، حصلت على جوائز أحسن "رابر" فى أفريقيا ومحدش باركلى علشان مكنتش قادر أعمل لنفسى ضجة، وكنت مفكر أن فى حد هيفرحلى".
ولفت مروان موسى إلى أن علاقته بمغنى الراب "باتيستوتا" جيدة، حضنى من ضهرى فى العلمين وصالحنى واحنا الاتنين فاجئنا عفروتوا فى العلمين".
وقال الفنان مروان موسى: "لو حياتى مسرحية هسميها "المدير الفنى" وبحب أكون مسيطر، وأنا من الإسماعيلية وهويتى متلخبطة، وعملت أكونت مجهول علشان أقلش على الناس".
وذكر، والدى بيشجعنى على الراب وكان بيسمعنى الأغانى القديمة، زى فيروز، وعبدالحليم، وعمرو دياب ومحمد منير بالنسبة لى أغانى قديمة".
وأوضح مروان موسى أن الأغنية التى قدمها مع "نورين" كانت بمثابة صديقة، والناس بتعملى كوميكس وبرد عليهم من الحساب المجهول، لافتا إلى أن "الراب" شئ مستورد كان فى أمريكا واحنا زرعناها فى مصر".
و قال مروان، انا مرضاش اتشتم واسمى يتبهدل عشان أحصل على نسبة مشاهدة، وعلشان كدة الناس اللى بيتخانقوا وهما متفقين هتلاقيهم حنينين فى ضربهم لبعض ويقوله كلمة مش مجرحة".
ولفت إلى أنه عندما كتب الفنان هانى عادل:"للأسف الراب فى مصر كل الكلمات رايحة فى سكة أنا أجمد منك.. أنا أعرف بنات أحسن منك..حسابى فى البنك مليان فلوس"، فهو معه الحق ودى حاجة مديقانى".
وأكد مروان موسى، انا من أكتر الناس اللى غنت "انا هبهدلك ومعايا فلوس"، وقولته عشان هو واقع، والكلام ثقة فى نفسى، وحاليا فى أغانى راب "حافظ مش فاهم"، وانا مليت من أغانى "انا أجمد منك"، موضحا أن تكرار الراب قلل نسبة المشاهدات على مجال الراب".
ووجه مروان موسى، نصيحة للجيل اللى بيكتب أغانى الراب قائلا:"قول حاجة حقيقية كلام من حياتك"، وعن قول المطرب حميد الشاعرى "ويجز الأجمد" أنا مدايقتش، وبحب أغانى لويجز زى "بالسلامة".
وأضاف مروان موسى، "عفروتو" أكتر حد انتجله لأنه أقرب حد ليا، وانا بخرج فى الأغنية لأنى درست إخراج، مؤكدا، مكنتش متوقع انا ألاقى إعلان ليا على الدائرى ولو بعد مليون سنة، وبقينا فى الشارع بشكل جديد".
ولفت مروان إلى أن "هناك فرق ما بين اللى بنقدمه والموسيقى فى مصر مثل جيل التسعينيات وما يحدث فى المهرجانات فهو عالم تانى، موضحا أن المهرجانات زى الراب واحنا مش بنغنى احنا بنرص وموسيقتنا موزعة على الجهاز".
