استضاف برنامج مساء دى إم سى نجوما صاعدة قدمتهم الشركة المتحدة للخدمات الإعلامية، والتي قدمت خلال الفترة الماضية مجموعة متنوعة ومختلفة من الأعمال لفنانين كبار ومجموعة من الفنانين الجديد من أعمار مختلفة مما أثرى الفن المصرى.
واستضاف البرنامج 2 من الوجوه الجديدة اللذين عملا مع فنانين مهمين أمام وخلف الكاميرا، هما شاهيستا سعد وأحمد والى.
وقالت شاهيستا سعد: "أنا خريجة معهد فنون مسرحية الإسكندرية، وخلصت دراسة من 4 سنوات وتم ترشيحى للعمل في بنات موسى، وكان دورا كبيرا ومهما، وكانت أول فرصة بالنسبالى وكنت بشتغل مسرح بس في الإسكندرية قبل نزولى للقاهرة، وكنت دايما بطمن بابا وماكنتش بقوله هنزل القاهرة وماكنتش قولتله إنى قدمت في المعهد، وقولتله إنى نجحت وخلاص، وردود الفعل كانت إيجابية جدا وعملنا حاجات كويسة".
وقال أحمد والى: "أنا متخرج من كلية إعلام ورحت مذيع العرب وحاولت كثيرا في البداية في التمثيل حتى جاءت الفرصة، وأخدنا ورق من 10 ورقات وكانت معايا شاهيستا وكان وشنا حلو على بعض، والأهل دايما بيبقوا مش متطمنين الابن هيعمل إيه، وقعدت 5 سنين أروح مقابلات وما اخدش دور، وقررت إنى أخوض التجربة لآخر نفس، ودلوقتى أهلنا مبسوطين بنجاحنا أكتر مننا".
