قدم اليوم السابع بثا مباشرا مع الفنان محمد عيد أو محمد الصغير أشهر قزم فى مصر، الذى علق على زيارة اليوتيوبر الشهير كوكسال بابا إلى مصر، والضجة التي صاحبت زيارته بالإضافة إلى مقاطع الفيديو التى تم تداولها من الزيارة.
تعليق محمد عيد على زيارة كوكسال بابا مصر:
وقال لـ"اليوم السابع": "فى البداية فرحت جدًا لما شفت كوكسال بابا وكنت ناوي أقابله لكن بعد ما لاحظت طريقة تعامله مع المصريين بصراحة زعلت جدًا منه ولا يشرفني أشوفه وكان ليا تعليق بسيط يعني إيه يضرب الناس بالقلم ويعني إيه يضرب الفنان عمر كمال أنا بصراحة برفض كل الاهانات اللى حصلت وتعرضوا لها فنانين أو ناس غير معروفة لكن الخطأ الأكبر عليهم أنهم وافقوا يحصل كدا.
واستكمل: "كوكسال تعامل مع المصريين بطريقة صعبة أنا عرفته لما نزل مصر لكن معرفوش ولا سمعت عنه قبل كدا وبعد ما شاهدت قلة ذوقه مع الناس كرهته ومش حابب أعرفه ولا حتى أشوفه.
وتابع: أنا بحب المصريين اللى أنا منهم هم أخواتى وحبابيي وأي حاجة تزعلهم تزعلني ولكن حابب أوجه رسالة “أنت مصري بلاش تسمح لأي شخص يهينك حتى لو على سبيل الهزار أنت غالي جدًا فبلاش يحصل كدا تاني “.
اقصر رجل في مصر
وعن حقيقة حصوله على لقب أقصر رجل في مصر قال محمد عيد لـ اليوم السابع:” أنا دخلت موسوعة جينيس كأقصر رجل من فترة كبيرة كانت في 2000 تقريبًا لكن ماعرفتش أخد حقي وانسحبت.
وتابع "عيد" أنادخلت عالم التمثيل من فترة كبيرة لكن ما حالفنيش الحظ أكمل مش عارف المخرجين نسيوا محمد عيد ولا أيه.
عودة للفن:
ويقول "عيد" أنا بدأت أرجع الساحة من جديد وشاركت في فليم جديد" أبو تفاحة للسفر والسياحة" وعملت قناة على اليوتيوب هاتكون صاحبة محتوي هادف ومميز.
زواج محمد عيد:
و عن زواجه قال: ”تزوجت مرتين من بنات عادية وطويله جدًا لكن محبتش أكمل وحالاً أنا مش حابب ارتبط ببنات تاني بلاش صداع. ويقول: "بفرح جدًا لما أكون في الشارع الناس لسه فاكرين محمد عيد بيشاور عليا ويقولوا " الممثل بتاع إدينا عقلك والحقونا أهو" مبقتش أزعل من كلمة قزم بالعكس دي هدية من ربنا وأنا مبسوط ولكن عايز اشتغل وأكل عيش.
أصغر قزم في مع إيمان حكيم
محمد عيد أصغر قزم في مصر مع صحفية اليوم السابع
تم أضافة تعليقك سوف يظهر بعد المراجعة