يعتاد الجمهور دائما على رؤية المذيع أو الإعلامى في مقعد المقدم والمحاور لجمهوره، ولكن هذه المرة على شاشة تليفزيون اليوم السابع استبدلت الإعلامية رولا خرسا مقعد المحاور وجلست في مقعد الضيف.
وخلال لقاءها مع "تليفزيون اليوم السابع"، من إعداد إسراء عبد القادر، وتقديم تامر إسماعيل، خاضت الإعلامية رولا خرسا لعبة الأسئلة الصعبة، وجاءت إجاباتها كالتالى:
س:
لو كنتى طائر كنتى هتبقى إيه؟
ج:
لو طائر كنت أحب أبقى هدهد، لإنى بحب صوته وتسبيحه
س:
رولا خرسا تعتذر لمين؟
ج:
هتعتذر لنفسى علشان كنت حاطة نفسى دايما آخر حد، وماكونتش مهتمة بنفسى ومصلحتى.
س:
لو كنت هانى شاكر كنت هتمنع مين من الغناء؟
ج:
ماكونتش همنع حد من الغناء، انا بسمع مهرجانات وبحب مهرجان سكر محلى محطوط على كريمة بتحبها، والأفضل تقديم الفن الجيد ليزاحم هذا اللون الجديد من الغناء.
س:
مين كان فتى أحلامك وإنتى صغيرة في الفنانين؟
ج:
كنت بحب الناس بتوع التلاتينات، رشدى اباظة، عبد الحليم.. ولكن لو رشدى أباظة اتقدملى مش هتجوزه.. الجواز مش مجرد حد شكله حل.
س:
لو كنت راجل كانت صفاته هتبقى إيه؟
أول حاجة الكرم، الراجل أهم حاجة إنه يبقى كريم وحنين، بالحنية تاخد عيون الست، وضرورى إن يكون شخص مسئول أد كلمته.
