أكد رجل الأعمال، المهندس نجيب ساويرس، أنه ليس بخيلًا، ولكنه حريص، وليس مسرفًا، موضحًا:"أنا مش بخيل، عشان أنا حريص ومش بشتري عربيات غالية ولا بيوت عالية في السعر بـ 100 مليون.. أنا مش بخيل على نفسى ولا على صحابي ولا على أي حد، ومصروفي وأنا صغير كان أقل واحد في الفصل كله".
وفى رده على سؤال كيلو الطماطم بكام، قال خلال حواره على تلفزيون اليوم السابع :"مش بنزل اشتري بنفسي، لكن بالطبع أعرف سعر الكيلو".
وعن أصدقائه، قال ساويرس :"معظم أصحابي أقل من مليونير.. صديق واحد فقط هو المليونير.. ومعرفش ومش بشوف عندي كام.. هضطر ابيع العربية أو الشقة اللى انا فيها؟.. معرفش ثروتي كام.. هتفرق إيه لو معايا مليار أو اتنين أو 10؟.. فيه حد أدني لكل واحد.. مكان وعربية كويسة وأعلم ولادي أحسن تعليم، والباقى كله رفاهية".
وتابع: "معادلتي إنى دلوقتى أعوض كل مصاريفي الشهرية، وحياتي عادية ومش مسرف، وشقتى ملكي ومش بدفع إيجار، ولو خسرت 90% من ثروتي حياتي مش هتتغير وحياتي هتفضل زي ما هى".
تم أضافة تعليقك سوف يظهر بعد المراجعة