علق أسامة نبيه، مدرب عام الزمالك السابق، على أزمة رحيل حسين فيصل عن القلعة البيضاء بالمجان قبل انطلاق الموسم الحالي، مؤكدا: "أنا لو مشيت حسين فيصل هقول مشيته إيه المشكلة، والقرار الأول والأخير حول بقاء اللاعبين من اختصاص كارتيرون، وأنا مش بشتغل عشوائي، ولن أرد على أي مهاترات.
وقال في تصريحات لبرنامج "جمهور التالتة" على قناة أون تايم سبورت: "مش المفروض أنا اللي أمضي ورقة إعارة لاعب، وعقد حسين فيصل مع الزمالك كان ساري حتى 2023 قبل الاستغناء عنه مجانا".
وأضاف: "2 مليون جنيه كانت تسعيرة إعارة اللاعبين الشباب في الزمالك، وكارتيرون صاحب قرار الاستغناء عن حسين فيصل ورحيله عن الزمالك، واستقالتي كانت بسبب تحفظي على ملف إدارة كرة القدم بالزمالك".
وكشف أن فيصل رحل إلى البنك الاهلي على سبيل الإعارة مقابل 4 ملايين بدون نية البيع، وقال: "كنت عايز اطلّع يوسف ابني إعارة لأنه مش هيشم المشاركة مع كارتيرون وزمايله دلوقتي في المنتخب".
وأضاف: "مفيش لاعب من الشباب في الزمالك هيشارك في الفريق الاول طالما كارتيرون موجود، وكنت عارف ان حسين فيصل هيروح سموحة وعشان كده وصيت لجنة حسين لبيب باعارة كل اللاعبين الشاب وعدم التفريط فيهم بالمجان
واختتم: "مروان حمدي قال لكارتيرون مش هينفع اكمل معاك، وبعدها انتقل لسموحة وانضم منه للمنتخب".
تم أضافة تعليقك سوف يظهر بعد المراجعة