بطلوا رخص عاوزين تطلقونا ليه عندى 3 عيال بهذه الكلمات ردت الفنانة مى كساب على شائعات انفصالها عن زوجها المطرب أوكا وعبرت عن غضبها من تكرار هذه الشائعة
وكتبت مى عبر حسابها بـ"تويتر": "زهقت منكم بجد مش عارفه عاوزين تطلقونا ليه يخرب بيت التريند على الريتش اللى من يوم ما طلع ما شفناش خير اتقوا الله أنا عندى 3 عيال بطلوا رخص بجد فشلة لو كلفتم نفسكم وقريتم البوست بتاعى هتلاقونى كاتبة أهم نعم جاتلى فى الدنيا جوزى وأولادى ربنا يشفى"
وكانت بدأت شائعات انفصال مى عن زوجها تُروَّج بعد نشرها لبوستر حكاية عقبال عوضك من مسلسل "زى القمر" وعلقت: "الكام يوم اللى فاتوا كانوا أطول مدة أقعدها لوحدى فى حياتى وباعترف شفت الحقيقة الكاملة حقيقة نفسى حقيقة كل حاجة حواليا وعرفت قيمة كل حاجة وندمت على كل لحظة ظلمت فيها نفسى أو ظلمت حد من اللى بأحبهم وبيحبونى"
تم أضافة تعليقك سوف يظهر بعد المراجعة