شريهان أبو الحسن: "هل مشاركة الست اللى بتشتغل فى مصروف البيت صح ولا غلط؟"

قالت الإعلامية شريهان أبو الحسن: "مشاركة الست اللي بتشتغل في مصروف البيت والأسرة والأطفال وحدودها فين، وتطالب بالصرف على البيت ولا بالإحساس".

وأضافت "شريهان" خلال برنامجها "راجل و2 ستات" المذاع على قناة on، تقديم هيدى كرم وسامح حسين: "فى بعض الرجال طلما نزلت تشتغل  وخدت من وقت ومجهود البيت يبقى إذا تبقى مطالبة بالمشاركة فى مصروفات البيت.. وهناك ناس بقول لا أن الراجل هو المسئول فى مصروفات البيت".  

وعلق سامح حسين: "المصاريف المادية رقم واحد مسئولية الرجل.. وهو هيبقى سعيد بده وان هو راجل بيلبى طلبات البيت كلها".

وعلقت الفنانة هيدى كرم : "فى ستات كتيرة بتنزل تشتغل لمساعدة أزواجهم.. بسبب كل حاجة فى الدنيا غليت والست بتسند زوجها.. ومقدرش أقول فى الوقت ده الراجل مياخدش من الست فلوس.. والسيدة تنزل تشتغل لتساعد زوجها فى الاحتياجات الأساسية لتحسين الدخل ومقدرش أحمل عبء على الرجل فى الوقت ده لأنها بتساعد معاه فى البيت".