كشف عبدالستار صبري المدرب العام للمنتخب الوطني للشباب، عن سعره حال تواجده في هذا الجيل، وقال عبدالستار صبري فى تصريحات تلفزيونية : "أنا لو هقول سعر ليا في الوقت الحالي 150 مليون جنيه مثلا"، كما علق عبد الستار صبري على أداء اللاعبين في الدوري المصري، وقال: "اللاعبين كلها زي بعض دلوقتي مفيش اختلاف والكل بيأدي دلوقتي مفيش ابتكار خالص ولا إبداع نهائيًا من اللاعبين للأسف.
وأضاف المدرب العام لمنتخب الشباب بأنه يستغل مهاراته لتطوير أداء اللاعبين في المنتخب الوطني للشباب رفقة ربيع ياسين، وتابع صبري: استغل مهاراتي لتطوير أداء اللاعبين في منتخب الشباب ومنحهم الشجاعة على تطوير المهارات الخاصة بهم، وحثهم على تكثيف المهارة وليس تحجيمهم.
وكشف عبدالستار صبري عن تجاهله من قبل الإعلام وقت فترة إحترافه، وقال: الإعلام تجاهلني في أوقات كتيرة..جبت جون في بيتر شمايكل مثلا محدش اتكلم ولا كأني عملت حاجه لو أنا ابن الأهلي والزمالك كانت هتفرق معايا جدا.
