قال الزمن للتسـعة بعد العشرة بعد أحضان الألفين
وداع ياسـت الحبايب قدر خير مكتوب على الجبين
على الطرق شـبكة اختصرت الوقت شمـال ويـمين
وشال الام أخضر نسجته بالصحرا أيادى مخلصين
زرعوا الأمل أقفاص الخير مليانة بفواكه وياقـطين
وصـناعة الدوا ببلدنا بالمعامل من زهر البساتين
وأنفاق حاضنة رحلة تصون عمر الفل والياسـمين
أرض الفيروز كنوز تسلم على أسوان بعد ساعتين
من شرق القناة والعكس يدوب كدا فى غمضة عين
وموال على شـط القناة مزارع الخير تقول بنا آمين
البمبوطية موال الصبر سفن جبر خواطر الصابرين
مزارع السـمك على أنغام السمســــمية ياليل ياعين
عطر دخان المصانع كتب فى السما بعرق الشغالين
صناعة أيادى ولادنا للعالم هدية مع ست الشرايـين
صوت المكن قال لأ للاستيراد احنا اسياد المصدرين
الغلة زادت بالميزان التجارى وفرحة بكل الموازين
الأمن مظلة بخير أجـناد الأرض سكنوها مستثمرين
تعظيم ســــلام للمدفوعات والتجارى وكل الموازين
والاحتياطى كرامته فى السما للغير ابدا مش مــدين
عزيمة شمرت الأيادى التضخم وقع الموت له قرين
كفنوه بالعرق الجيوب زغردت والمـصاري مشيعين
الاسعار ركعت مذلة الحرب دمار بجشع المـحتكرين
الجد الابن والحـفيد بعد صلاة الفجر للغيط سـارحين
مليون صحة عليكم ياللى للمحرات والفاس عاشقين
العقل السليم على تختة فى جسم الحفيد سوا قاعدين
فاهم معادلات مجاهيـلها ضــاعت بإخلاص المعلمين
قال المراكبى لسماعة الطب صدر حوا سـت الغاليين
منها ارتوينا نبت رجال أشاوس على الحدود واقفين
رضع حبها رجال شرطة على أحلامنا أمان سهرانين
الأحلام بقت حقيقة سهام نار فى صدرور المتأسلمين
كنيسة جنـب الجامع الكل عابد ربنا نسيج الوطنــيين
وأزهر منارة مادد إيده للفاتيكان ادان جرس فاهمين
نور القمر بكل قارات الأرض فى أول صف القاعدين
هل عليهم القمر تانى بعد غياب قالوا هلا بنور العين
قد الدنيا تلمح الامل فوق الدموع سـيد قلوب الطيبين
ساعة الغضب ينسى كل شىء إلا أم الدنيا لها حصين
أقسم تضيع لأ ابن بار صادق الوعد ولكل وعد أمـين
قال المراكبى أهزم بكم المستحيل مهما كان الضـالين
إحنا معاك يامراكبى ارواحنا فداها احنا فيها دايـــبين
ياهلا بنور الامل شمس وقمر بالعشـــرين بعد الالفين
حلفتك ياحبى واصلى ماراثون اللى قبلك كان تسخين
فى مية النيل يدوب الحب ارواح سـلام واحنا عناوين
مكتوب على دسر السفينة يقينى بالله حسن ظن يقين
عشرين بعد الالفين موسم حصاد بصوامع الصابرين
وبناء الانسان بيت اعلام تعليم صحة للهدف ماشيين
يا عشرين بعد الألفين على الربابة انت لحن العاشقين
تم أضافة تعليقك سوف يظهر بعد المراجعة