السعادة مش مجرد كلمة
السعادة دى قرار
قرار نابع من جوانا
وأنت صاحب الاختيار
افرح دايما فرح غيرك
ساعد الناس وكتر خيرك
تلاقى الناس كلها حباك
فرحانة بيك وبتأثيرك
انسى همومك يلا وقوم
عيشه كأنه آخر يوم
مالك كده قاعد متلخبط
عيش اضحك كركر واتنطط
اوعى تقول كلمة تكون جارحة
ازرع حب هتحصد فرحة
حب الكل اكتر من نفسك
تلقى شجرة محبة وطارحة
عارف ايه كل القصه
حب بجد تلاقى سعادة
اصل الكره ده مرض
وحزنك مش هتلاقيله عيادة
يلا ابتسم متكشرليش
واما اسأل مالك متقولش مفيش
افتحلى قلبك فضفضلى
واما تحس بخنقه اندهلى
اصل ضحكتك غاليه عندى
كنوز الدنيا متساويش
عدد الردود 0
بواسطة:
مينا
مقال رائع جدا
نرجو المزيد و المزيد
عدد الردود 0
بواسطة:
ميشو
كلامك جميل يا فراشة الحقووووول
يا اختي الكريمة / يوستينا إحنا عايشين في مصر ممكن تنزلي الترجمة الفورية لو سامحتي عشاااان أستطيع قرأتها ههههههههههه الكلام ده مش هيمشي معانا يا اختي الكريمة