قال اللواء سعيد طعيمة، رئيس لجنة النقل بمجلس النواب، إن وزارة النقل تعانى من تضخم العمالة، فى حين أن عاملين جدد استلموا عملا جديد فى الوزارة خلال هذا الأسبوع، موجههاً رسالة لوزير النقل هشام عرفات: "عندنا 73 ألف عامل، ومفيش حاجه دلوقتى اسمها أبناء عاملين، وأعقتد إن اللى استلموا شغلهم الوزارة مش محتاجاهم".
وتابع "طعيمة" فى رسالته خلال اجتماع اللجنة المنعقد الآن، للوزير لمناقشة مطالبات رفع سعر تذكرة مترو الأنفاق، بحضور وزير النقل هشام عرفات، وعلى فضالى رئيس شركة إدارة وتشغيل مترو الأنفاق، والمستشار عمر مروان، وزير شئون مجلس النواب: "إحنا فى محنة ولو ما وقفناش مع بعضنا هنبقى فى مشكلة، والمظلوم هو الراجل اللى فى الشارع".
وأضاف فى حديثه الموجه للوزير: "عاوز حقائق ومش عاوز إنشا، من حق الشعب يعرف ماله رايح فين، وانا سمحت للصحفيين يحضروا علشان الرأى العام يعرف".
