قال الدكتور رضا حجازى، رئيس قطاع التعليم العام بوزارة التربية والتعليم والتعليم الفنى، إن الوزارة سوف تطور مناهج التربية الرياضية، باعتبارها مادة مهمة والعام المقبل سوف يشهد تغييرا فى المناهج.
وأضاف خلال المؤتمر الصحفى أنه سيعيد تطوير منظومة التربية الرياضية، مشيرا إلى أن هناك أنشطة تعاونية سيقوم بها مديرو عموم المواد عن طريق توفير كراسات وتم إرسال خطابات للمدارس بضرورة أن يكون التقويم بها أداءً فعليا وليس حفظ معلومات من أجل الامتحان.
وأشار رئيس قطاع التعليم العام إلى أنه سيتم إعادة النظر فى مد العام الدراسى ليصبح 3 فصول مثل ما يحدث فى كثير من دول العالم، مؤكدا أنه تم رفض الميد تيرم المنتهى لأنه قائم على الذاكرة القصيرة.
عدد الردود 0
بواسطة:
محمد
لتطوير التعليم اصول
التعليم مبني علي..1- التلميذ..2-المعلم..3المبني..4المنهج......... قبل ماتفكر في تطوير مناهج فكر الاول في توافير مباني تكفي التلاميذ لتقليل الكثافات داخل الفصول وتوفير مقاعد لهم وتوفير امكان للممارسة الانشطة المختلفه...توفير معلمين لكل مدرسة لسد العجز بجميع المواد والا نشطة وطبعا العجز بيكون في مدارس القًرى والكفور والنجوع ...توفير حياة كريمة للمعلم واسرته كم تهتمون بتوفير حياة كريمة للقضاه ووكلاء النيابة ورجال الشرطة والقوات المسلحة..ثم طوروا بعد ذلك في المناهج زى ما يعجبكم ومش كل حاجة ناحجة في دولة ا خرى تصلح اننا نجربها في تعليم مصر منكم لله
عدد الردود 0
بواسطة:
Mohamed
هي ناقصة؟
ثلاث فصول باردة، ليه هي الحكاية ناقصة مصاريف واللى بيخترع ده موش واجب يعمل حساب للبعد الاقتصادي للموضوع والا هي سلطة، موش عارف ان كل فصل فيه مصاريف وملابس ودروس نجيب منين؟ الناس بتأجل كل شئ في سبيل توفير فلوس الدروس لكل فصل عايز تخليهم ثلاثة، اتق الله وارحمنا من افكارك. شوفوا الأول شغلوا المدارس والمدرسين، انتم موش شايفين حالهم؟ ولابد من تشغيل المدارس والمدرس اللي بيعطي دروس خصوصية ما يدخلش المدرسة، موش بيقبض لله وبيدبح فى الخلق فى الدروس الخصوصية، ارحمونا
عدد الردود 0
بواسطة:
ام مصرية
و انت عايز تحفظهم على الذاكرة الطويلة ليه
كفاية حفظ بقى كفاية تخلف ما طول عمر التعليم المصرى قائم على الحفظ شوفنا ايه عدل من وراه ...الطلبة فى اى بلد محترم كل مهمتهم البحث فى الموضوعات المطلوبة منهم و كتابة تقارير عن الموضوع ثم الامتحان فى اللى عرفه و فهمه مش فى اللى حفظه وللعلم العيال فى مصر بتحفظ زى البهايم وبتنسى تانى يوم الامتحان ....ارحمونا يرحمكم الله
عدد الردود 0
بواسطة:
وليد
بص
بص معاليك ، كل ما تحب تنكل بالناس ، أذكر جملة ( زي كل دول العالم )
عدد الردود 0
بواسطة:
احمد
رقم 1
أصبت ثم أصبت ثم أصبت المواضيع عندنا سمك لبن تمر هندي اي بطيخ وخلاص لا فكر ولا تخطيط ولا علم وكل واحد بيحلم بحاجة عايز ينفذها وخلاص ارحمنا يا رب
عدد الردود 0
بواسطة:
كريستين عادل
استمرار الميد ترم
رجاء خاص الله يخليكوا. بلاش تلغووا الميد ترم وإلى يمتحنوه مايمتحنوش فيه تانى ويضاف درجاته اخر العام علشان حتى يعرفوا يركزوا فى باقى الترم التانى ويبقى كده نخفف من على الاولاد الكم كله حرررررررررررررررررررررررررام الى نزاكرةان نمتحنه تاتى تعبنااااااااااااااااا
عدد الردود 0
بواسطة:
ارحموا اولادنا
ارحمنا اطفال مصر بقى عندهم السكر بسبب منظمة التعليم الفاشل
الراجل رفض الميد ترم عشان يخفف عل الطلبة و اولياء الامور و خلى بدلهم كل يوم كويزين و تلاتة لاطفال متعدوش مرحلة 3 ابتدائى طبعا بالاضافة الى امتحانات شهرية عشان يخفف الامتحانات هههههههه يعنى بدل امتحان واحد ميد ترم بقى فى حوالى 3 شهور فى الترم كل شهر امتحانات لا و كمان عايز يخلى الدراسة 3 فصول واضح انه بيحاول يقضى على اطفال مصر و يجبلهم امراض الضغط و السكر بدرى بدرى و اهو بالمرة يخفف التعداد ........و النبى ارحمنا من قراراتك الفاشلة و عبقريتك الفاذة احتفظ بيها لنفسك و خبيها احسن حد يحسدك