سهام ميلاد تكتب: مفيش مستحيل

نظرة بعين الرضا أو نظرة رحمة على ناس مش قادرين يعيشوا وليس لديهم مقومات الحياة، لو نظرنا لمعظم مناطق أو أحياء مصر فى كل المحافظات هنلاقى الناس فيها يعانون من مشاكل كثيرة.. دا فى ناس مش لاقيين حتى ميه للشرب.. طب ليه كل العناء والعذاب ده واحنا فى ظل وزارة جديدة وعلى أعتاب برلمان جديد ومعانا رئيس عظيم مضحى براحته وبروحه من أجل بلده وشعبه فأرجو من كل وزير يعمل جاهدا ليرتقى بوزارته ليترك بصمه تلامس عناء الشعب وحل مشاكله لأن الوزارة ليست كرسى ومنصب فقط ونرجو أيضا من كل عضو فى مجلس الشعب الجديد ان يرعى مصالح منطقته أو دائرته ويعمل جاهدا فى حل مشاكلهم...

لذا نرجو التدقيق فى اختيار من يمثلكم فى البرلمان ليرعى مصالحكم ويحل مشاكلكم واقرر تحذيرى (لا تخدعكم الشعارات والكلام المعسول واحذروا الزيت والسكر) وأقول لكل وزير وكل عضو مجلس شعب نحن معكم ونقدم لكم يد المساعدة لنعبر معا إلى بر الأمان ونقدر معا نتحدى الصعاب ونحل كل المشاكل مثلا لو بنعانى فى أى منطقة ما من انقطاع المياه أو الكهرباء أو من عدم نظافة الشوارع و رصفها أو من عدم وجود مستشفى عام يخدم أهل المنطقة وغيره وغيره... طب ليه منحاولش نجمع مبلغ من المال لإصلاح وتقوية محطه المياه أو محطة الكهرباء أو لنظافة وترصيف الشوارع أو لبناء مستشفى تخدم المنطقة..

ليه لأ طالما عايد عليا بفايده واستريح واعرف اعيش وعلى فكرة أى حد مش هيمانع هذه الفكره علشان يستريح ويعرف يعيش بشرط أن تكون الفلوس فى ايد امينه وتصرف بالفعل على إصلاح الخدمات المطلوبة للمنطقة ونبقى ساهمنا بأصلاح ولو بقليل من أعباء الحكومة وخلى أيدينا فى ايد كل إنسان بيحب يخدم بلده بكل حب وصدق ومعانا جيش يساعد ويقدم خدماته وكده يبقى مفيش مستحيل ومعا بلدنا أحلى.