بالصور.. "ضحى" كاتبة قصة قصيرة فى العاشرة من عمرها

عشر سنوات كانت كافية للطفلة "ضحى الشوربجى" لتنطلق مخيلتها الواسعة إلى عالم القصص القصيرة، وتسكب على الأوراق البيضاء حكايات مختلفة تعبر بها عن موهبة مبكرة تهفو لترفرف بأجنحتها حتى تصل لعالم الكبار ويصبح لها قراؤها ومريديها.

تحكى "ضحى" لليوم السابع عن هوايتها المفضلة التى بدأتها قبل عام" كنت عاوزة أعمل حاجة مفيدة فى الإجازة زى ما مدرستى قالت لنا عشان خاطر تفرح بيا لأنى بحبها جدا، وحاولت أكتب شعر وأنا عمرى 9 سنين، وكتبت فعلا عن النوبة بعد ما رحت زرتها واتبسط فيها وكمان بابا كان من النوبة،وعرضتها على المدرسة وشجعتنى أكمل وأكتب تانى وبدأت أكتب قصص قصيرة كمان".

انطلاق "ضحى" فى عالم الكتاب دعمه حبها للقراءة: "بقرأ من زمان مجلات العربى الصغير وأميرات، وبحب القصص العلمية، لأنها بتعرفنى معلومات مهمة، وبحب أعمل أنشطة من الحاجات القديمة اللى مبقناش محتاجين لها وأعمل منها مقلمة للمكتب بتاعى أو لوحة لأوضتى أو للفصل".

تتناسب مواضيع قصص "ضحى" التى يساعدها فيها أحيانا أخيها الأصغر الذى يشاركها بالخيال وتعبر هى بالكتابة،" بنفكر أنا ومحمد فى أفكار للقصص بتاعتى وأخر قصة كتبناها سوا كانت قصة خيالية بتدور أحداثها فى عالم أسماك القرش وكنا عاوزين نوصل حكمة منها هى المعاملة الطيبة وأنك لازم تعامل الناس زى ما تحب أنهم يعاملوك".

ضحى وأخيها



الكاتبة الصغيرة



تحب الكتابة والقراءة



ضحى تكتب الشعر من عمر التاسعة