فاكرة لما شفتك
ونظرة عينية بتندهك
كانت عيونك متغربة
الخوف جواها حكى
مليون سؤال
لسه فاكر نظرة عينكى
وابتسامتك ساعة اللقا
لسة فاكر خجل السؤال
وتمتمة الكلام
جوة قلب خايف م البكى
حسيت بالأمل شريان
جوة عيونك المتغربة
شفت الشوق والحنين
ولحظة آنين
فوق سطور متبعترة
اتمنيتك تكونى ليا
وأعيش العمر كله
لاقيت الحلم ساكن كلامى
بين السطور مستخبى
والأمل بينادى الحنين
يكبر شوية
متغربة وبين إيديا ضحكتك
والسحاب حاسس غربتى
شفت المطر رزاز
حاضن صوت الندى
ساكن حضن النهار
وقت الغروب
يا تري حاسه لهفتى
ولا البعاد مكتوب على دنيتى
بسأل مليون سؤال
ليه قلبك ماحسش ضحكتى؟
فاكرة لما شفتك
ونظرات عينية بتندهك
سيد منير عطية، مليون سؤال
صورة ارشيفية
مشاركة
اضف تعليقاً واقرأ تعليقات القراء
مشاركة
اضف تعليقاً واقرأ تعليقات القراء
لا توجد تعليقات على الخبر
تم أضافة تعليقك سوف يظهر بعد المراجعة