مصطفى حسنى: النبى نهى عن أمراض العمل ومنها التجسس والتباغض

كتب الأمير نصرى
الثلاثاء، 26 مارس 2024 11:22 م

قال الداعية الإسلامى مصطفى حسنى، بما انه بنقضى أغلب وقتنا فى الشغل، فليست دائما بيئة العمل صحية فلا تُصدم فى بيئة العمل، فمتروحش متضايق، موضحا ستجد ناس شغالة على نفسها وناس مش شغالة على نفسها فتطلع أحقاد وتنافسية غير شريفة والعصفورة اللى بيفتن عليك والانتهازى اللى عاوز يدوس على رقبتك اللى عاوز ياخد مكانك".

وأضاف مصطفى حسنى خلال تقديمه برنامج "بصير" على قناة الناس الفضائية، متتصدمش من اللى بيحصل خد الأمر بتحدى، وركز فى شغلك متروحش البيت وانت عندك قلق واكتئاب وإحباط، لأن دول 3 مشاعر فى الإحصائيات يصيبوا الإنسان الذى يُصدم فى بيئة العمل".

تابع مصطفى حسنى، "يقولون فى العلم، أن بيئة العمل فيها ناس تربيتهم مختلفة وثقتهم فى نفسهم مختلفة وقدرتهم على إدارة الخلاف مختلفة، تربى على أنه يدوس على زميله مش احنا الاتنين ننجح ولو انت نجحت معناها فشلى، ومينفعش نتعاون واحنا الاتنين ننبسط ونُرزق، وعندما يختلف مع زميله يؤذيه، بالتالى متتصدمش"

ولفت إلى أن النبى يقول للناس فى السوق فى بيئة العمل:"لا تحسسوا ولا تجسسوا ولا تناجشوا ولا تدابروا ولا تباغضوا"، فينهاهم عن أمراض العمل.