عم طلعت 30 سنة بـ"فن الخرط العربى" وإيده تتلف فى حرير بـ"حكاوى القهاوى"

قالت الإعلامية رشا الجمال: "شغل الأرابيسك عاوز فن، صبر وتركيز وصنايعى قديم، وأنا لازم أقول واتكلم عن شغل الأرابيسك لأنه عظيم، وده عم طلعت طول اليوم فى الورشة ما بين خرط وتقطيع، ده تراث محتاج إننا نحييه، نرجع ننتج ونعيد تصنيع، وفى فنون بتعبر عن ناسها، والناس شغالة بإحساسها، من غير الناس دى الصنعة تبوظ، وتاريخها دا كله فى لحظة يضيع".

 

 

وقال طلعت إبراهيم، فن خرط عربى، ببرنامج "حكاوى القهاوى" على قناة الحياة: "حضرت عام 1992 فى إمبابة، وقبلها كنت فى باب الشعرية والدرب الأحمر، وعملت بها سنوات أيام الإنرتيهات العربى"، موضحا أن الأرابيسك يسمى الخرط العربى.

 

 

تابع طلعت إبراهيم: "دخلت ورشة بها 5 خراطين وكانت عينى عليهم حتى أتعلم الصنعة، والأسطى قال لى خليك حريص أنت اللى سايق الماكينة وليست هى وماسك العدة وتشكل بيدك، ودماغك وعينيك وتركيزك"، مؤكدا أن المهنة تعتمد على التركيز والأعصاب.