ابنة محمد عبد الوهاب: موسيقار الأجيال وقف ضد أهله من أجل الفن

كتب محمد شرقاوى
الثلاثاء، 14 مارس 2023 02:16 ص

علقت عفت عبد الوهاب، ابنة موسيقار الأجيال محمد عبد الوهاب، الذكرى 125 عاما على ميلاده، قائلة : "والدى أعطى كثيرا للفن..ووقف ضد أهله من أجل الفن.. والبلاد العربية وفرنسا تحتفل باسمه حتى بعد هذا العمر". 

وأضافت خلال مداخلة مع الإعلامى عمرو خليل عبر برنامجه من مصر المذاع على قناة سى بى سى ، : "كان يعطى فنه لجميع دول العالم.. وتكريمه حاجة تفرحنا جدا ويستاهل الكلام ده والناس متنسهوشى.. وفنان استثنائى وحاجة تفرحنا جدا.. روحت المتحف ولقيت شباب فيه.. عاملين شركة باسمه لتفيهم الشباب ما هى موسيقى عبد الوهاب اللى سابقة عصرها". 

وتابعت عفت عبد الوهاب: "والدى قبل ما يتوفى ما كنش عنده مشكلة صحية خالص.. ولكن بعد واقعة السجادة وقع والرقدة كانت أكبر غلط له وعملت له جلطة.. وكان بيخاف جدا علينا من التعب.. ومش بيحب يأكلنا أكر من الخارج.. ولما أكلت أكلة سمك برا البيت وعرف زعل جدا.. وهو مش بيحب الاكل برا البيت خالص.. ولما يعمل السلطة الطباخ كان بيدخل المطبخ بيشوف إزاى بيغسل الخضار".

وعن آخر التطور فى إعلان بيع فيلا باسم والدها، قالت : "المحامى تواصل مسئولى الإعلان وعمل توضيح.. والواضح استغلوا اسم محمد عبد الوهاب عشان يتم بيع الفيلا".