ريهام الشنواني لـ"الستات": خالد النبوي كاريزما أمام الشاشة وخلفها وكنت خايفة منه

أكدت الفنانة ريهام الشنوانى، شعورها بالخوف فى أول مرة شاهدت فيها النجم خالد النبوى خلال كواليس تصوير مسلسل "راجعين يا هوى"، قائلة: "المخرج محمد سلامة كان له دور كبير فى بصمة دور عزة فى مسلسل راجعين يا هوى، وخالد النبوى أول مرة شفته فى اللوكشن كنت خايفة من الوقوف أمامه".

وأضاف ريهام الشنوانى، خلال لقاء ببرنامج "الستات ميعرفوش يكدبوا"، المذاع على قناة سى بى سى، أن النجم خالد النبوى له كاريزما أمام الكاميرا وخلفها، متابعة: "لما لقيته بيتكلم معايا وبيدعمنى فكيت شويه وحسيت أنه قريب منى وفريق عمل المسلسل كله كنت بحسه قرايبي".

وتابعت: "الموافقة والرفض على الأدوار متوقف بالنسبة لى يكون فى خط درامى وممكن يكون فى مشهد بدور كامل وعندى خطوط حمرة خفيفة ولكن كل دور حسب التوجيه وبحب أوجه معظم شغلى للبيت والأسرة والطفل وببقى مبسوطة جدا من تعلق الأطفال بيا".