شريهان أبو الحسن توجه نصيحة لإحدى الزوجات ببرنامج "راجل و 2 ستات"
تناولت الإعلامية شريهان أبو الحسن، في حلقة اليوم من برنامج "راجل و2 ستات"، المذاع عبر قناة ON، مشكلة سيدة متزوجة من سنة ونصف وهى حامل حاليا، ولا يعبر لها زوجها على الإطلاق عن حبه، ولا يقول لها كلام عاطفي.
وتابعت شريهان أبو الحسن في حديثها عن قصة السيدة المشار إليها سلفا: "جوزي ودني جدا، وده بيخلي بينا خلافات كتير، وأي حاجة أصحابه بيقولهاله بيقى عايز يطبقها عليا وكذلك والدته وأخواته، وأنا عايزه أبعد عنه لأن اللي بيعمله بيقلل من احترامي له".
وقالت شريهان أبو الحسن في نصيحتها للسيدة: "أنا عندي إحساس غريب إن انت اللي مسيطرة مش هو اللي ودني، يعني والدته عايزه تشوفه وهو ابنها الصغير طبيعي تشوفه، ولما الست تطلب تشوف ابنها حتى لو في محافظة تانية فين الودانيه في ده، وانت بتتلككي".
وأردفت: "انت بتقولى هو بيحبك وانت حامل وكريم وابن ناس، ما تنبسطي، مش يمكن هرمونات الحمل هي اللي غيظاكي منه؟".