أيمن بهجت قمر يحتفل بتخرجه بـ"الروب والقبعة" وسط نجوم الفن.. صور

كتب باسم فؤاد السبت، 24 سبتمبر 2022 11:42 م

احتفل الشاعر والسيناريست أيمن بهجت قمر بتخرجه وإتمامه تعليمه الجامعة الذى استمر 20 عاما من التأجيلات ، وشاركه الاحتفال مصطفى حجاج، والموزع هانى محروس.

 

 

 

وكان قد تحدث أيمن بهجت قمر عن رحلة كفاحه و البكالوريوس و أعماله الفنية. وقال: "أنا قررت أخوض التجربة وأذاكر واجتهد، وعشت التجربة بكل حاجة فيها، وكان عندى مشروع التخرج، والشباب اللى معايا لما اتولدوا كان عندى 26 سنة، وأمى أكثر واحدة فرحت بنجاحى،  زوج خالة أمى إسماعيل يسو، ووالدى طلب يدها منه، ورفض قاله انت لسه مش جاهز دلوقتى، وقال: أمى حضرت الفن الحديث كله وعبد الحليم كان عندهم في البيت وتعايشت مع الوسط الفني من أحلى نافذة وقولتلها هعمل مسلسل وأسميه قصة حياة أمى".

وعلق الشاعر الغنائي، إن والده توفى، عندما كان في الصف الثالث الإعدادي ثم انتقل للعيش مع والدته لأنهما كانا منفصلين، مردفا: "والدى كان عايش حياة عزاب وحسن مصطفى قال لوالدى انت هتبوظ الواد لازم ينام بدرى ووالدتى كانت عاوزة بقى تربى وقررت إنى أرجع بيت والدى".

وأضاف: "والدتى كانت مأجرة البيت لشباب من المنصورة علشان تساعد في مصاريف البيت عاملينها مكتب استيراد وتصدير ورحت قولتلهم أن والدتى طردتنى من البيت وأنا مش لاقى مكان أبات فيه قالولى اتفضل اقعد معانا ولما سافروا غيرت الكالون وقولتلهم عندكم أمى روحوا اتصرفوا معاها".