إدوارد: عملت مسرحية مع خالد صالح والصاوى أيام الجامعة وبداية ظهورى كانت في الفوازير

كتب بهاء نبيل
الأحد، 17 أبريل 2022 03:00 م

تحدث الفنان إدوارد عن بدايته الفنية في تصريحات في برنامج "ع اللوكيشن" المذاع على راديو هيتس للإعلامي شريف الليثى، قائلاً: "بدايتي كانت المزيكا من أيام المدرسة والجامعة وفضلت معايا 12 سنة، وكان عندي حلم التمثيل من أيام المدرسة، وفي الجامعة عملت مسرحية مع الفنان خالد الصاوى والفنان خالد صالح على مسرح الدولة".

وأضاف إدوارد: "بداية الظهور كانت فوازير علي الفضائية المصرية، وفيلم "كلام في الحب" كان محطة مهمة في حياتي، و بنزيني في بداية الرحلة كان الإيمان بربنا بإنى موهوب وأكيد في يوم من الأيام ربنا هيظهر موهبتك".

وعن المخرج علي إدريس قال إدوارد: "هو اللي وقف معايا سنة 2004 وكان متمسك بيا في فيلم "كلام في الحب" و"حريم كريم" ودي كانت البداية الحقيقية بتاعتي، أما نقطة التحول في حياتي كانت أول جايزة اخدتها عن فيلم "بلطية العايمة".

وتابع إدوارد: "بحب اتفرج علي الأفلام وأشبع نفسى بالتمثيل والممثلين الكبار وأعرف أفكار جديدة، وعن أهم أعمال قدمها قال إدوارد: "بحب السيما، كلام فلا الحب، حسن و مرقص، بلطية العايمة، عسل اسود، البرنس، لؤلؤ" وإن شاء الله "ملف سري" هيبقي علامة فارقة.