لميس الحديدى تعلق على جدل إعلانها سنها الحقيقى: على فكرة التجاعيد حلوة
الإثنين، 28 فبراير 2022 11:50 م
علقت الإعلامية لميس الحديدي على الجدل المثار حول إعلان سنها الحقيقى فى حلقة الأمس أثناء فقرة خاصة خصصتها لحياة النساء بعد عمر الخمسين قائلة: " كان فيه تفاعل كبير لم أتوقعه على فقرة الأمس ".
وأضافت خلال برنامجها " كلمة أخيرة " المذاع على شاشة " ON" ردًا على التفاعل الكبير على إعلانها بالأخص عن عمرها الحقيقى على التواصل الاجتماعى: "إيه الغريب فى ده يا جامعة أنا شفت فعلًا أن ده عادى وأنا بستخدم نفسى نموذج عشان نفتح حوار لناس كتير عشان يتكلموا بأريحية دون وصمة المجتمع. ونتخلص من تابوهات بعينها ".
وفى رسالتها لجدل السوشيال ميديا قالت: "عايزين نوقف وصمة السن لدى النساء.. وده مش هيحصل إلا بثقتنا فى نفسنا.. ولما حد يقولك إنتى كبرتى وكرمشتى وفيه تجاعيد.. على فكرة التجاعيد حلوة وكل تجعيدة هى خبرة وعمر وأنا بحب تجاعيدى وشكلها حلو."
بعد ثناء الإعلامى مفيد فوزى على الفقرة وجهت له رسالة قائلة: " أشكر الأستاذ مفيد فوزى الذى أشاد بفقرة المرأة فوق الخمسين، ووصفها بأنها شجاعة، وأقول له: تعلمت الجرأة منك يا أستاذ، وده مجرد عمل صحفى ومواجهة مهمة جدا".