خالد يوسف: أنا من طلبت تصوير "30 يونيو" وأعداد المتظاهرين تجاوزت 30 مليونا
قال المخرج خالد يوسف، إنه هو من طلب تصوير مشاهد ولقطات مظاهرات 30 يونيه ضد الإخوان، مشيرا إلى أن الأعداد التي ظهرت فى اللقطات التي تم تصويرها كانت أقل من الأعداد الهائلة التي نزلت للشوارع.
وأضاف خالد يوسف خلال لقائه مع الإعلامي عمرو أديب ببرنامج "الحكاية" الذي يذاع على قناة "mbc مصر": "من أيام 25 يناير وأنا طلبت أطلع على طائرة علشان أصور من فوق، ده تاريخ مصر، هصوره كويس علشان الأجيال وعلشان التاريخ، وفي 30 يونيو لما كنت بصور مكنتش مصدق، والمشاهد الحقيقية الخاصة بـ30 يونيه لم تنشر بعد، لأن كان في ملحمة أخرى في قرى مصر لم يتم رصدها، كنا بنطلع بالطيارة نمسح القاهرة ونتوجه للإسكندرية، وخلال الطريق نمسح كل قرى الدلتا، وبنرجع على القاهرة وبعدها نطلع على الصعيد، وبعدها نطلع على مدن القناة".
وأضاف: "لما تعدي على الدلتا، تلاقي تعداد سكان كل قرية في الشارع يوم 30 يونيه، فلما يكلموني عن الأعداد وإني زورت، لأنك لو حصرت الناس اللى كانوا فى القرى العدد كان هيعدى الـ 30 مليون، واللى هما بيقولوا إن أنا زودتهم بالفوتوشوب".