برة الملعب.. هنا الشناوى لاعبة السلة: بحب روبى ونفسى أكون مدربة دولفين
الإثنين، 31 مايو 2021 02:15 م
بعيدًا عن الرياضة وصالات المنافسات هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققت على أيديهن، ويظهرن من خلاله اهتمامهن بحياتهن الشخصية وهواياتهن، ونجمة اليوم فى برة الملعب هى هنا الشناوى لاعبة السلة بنادى سموحة، والتى تعد من أبرز نجمات اللعبة لما شاركت فيه من بطولات عديدة على صعيد الناشئين، كما تتألق أيضاً من حيث الشياكة والأناقة خارج صالات المنافسات.
ما هوايتك المفضلة بعيدا عن الرياضة؟
الرسم والأكثر هو النوم، بنام كتير جدا
ما الأكلة التى تتميزين فى طبخها؟
الكريب خاصة بالتوتيلا
من نجمك المفضل؟
توم هولين
لم تكونى لاعبة كنتى تتمنى تكونى أيه؟
نفسى أكون مدربة دولفين، مثلما يحدث فى شو الدولفينز.
لما تتعاكسى فى الشارع.. ايه بيكون رد فعلك؟
بتجاهل اللى بيعاكس طبعا.
مين من نجمات السينما كنتى تتمنى تكونى زيها؟
روبى او ياسمين عبدالعزير لان شخصيتهم قوية
بتحبى الملابس الكاجوال ولا الفورمال؟
الكاجوال طبعا لأنها أسهل ومن وقت لاخر بحب الفورمال لانه بيكون أشيك
ولو هترتبطى تحبى ترتبطى برجل رياضى فى تخصصك ولا وظيفة تانية؟
رياضى اكيد، ومش شرط نفس اللعبة المهم يكون رياضى.
لو طلب منك تسيبى الرياضة هتعملى ايه؟
هسيبه هو.