مطبخ الكابتن.. نور ياسين لاعبة اليد تقدم طريقة عمل ستيك اللحمة
حياة نجمات الرياضة مثل أى فتاة فى رمضان يحرصن خلالها على المشاركة فى أعمال المنزل، خاصة تحضير الأكلات الرمضانية، ويحرص "اليوم السابع" على تقديم فقرة "مطبخ الكابتن" لتقديم وصفة لأكلة فى رمضان بواسطة نجمة من نجمات الرياضة.
نور ياسين نجمة كرة اليد السابقة فى النادى الأهلى، تقدم طريقة عمل ستيك اللحمة فى الوصفة التالية:
المقادير:
عرق فليتو متقطع قطع سميكة
زيت زيتون
مكعبات زبدة
فصين ثوم
ملح فلفل وزعتر
طريقة التحضير :
نحضر عرق فليتو متقطع قطع سميكة من 3 إلى 4 سم
نتبلها بالملح والفلفل من الناحيتين .
نسخن طاسة علي النار فيها شوية زيت زيتون ونتأكد إن الطاسة سخنة أوى علشان اللحمة تاخد الصدمة وتقفل مسامها
لمدة 3 دقايق على نار عالية من كل ناحية.
نضيف فصين ثوم وزعتر
مع تهدئة النار وتركها تكمل سوا دقيقتين.
نضع قطعة زبدة فوق وش اللحمة
نطفي عليها علي طول النار.
تقدم مع بطاطس مسلوقة وخضار سوتيه أو حسب الرغبة.