إلهام شاهين للفتيات: افضحوا المتحرشين وواجهوا المجتمع علشان نوقفهم
علقت الفنانة إلهام شاهين على قضايا التحرش الأخيرة، بداية من واقعة "فتاة ميت غمر" وحتى فتاة المترو، قائلة: "نفسي البنات مايخافوش لأن الخوف ده بيشجع المتحرشين، وبيخليهم يحسوا إن البنت هتخاف تقول ده للمجتمع فبيكرروا جرائمهم".
وطالبت إلهام شاهين، في مداخلة هاتفية عبر برنامج "كلمة أخيرة" الذي تقدمه الإعلامية لميس الحديدي على شاشة ON، بضرورة فضح المتحرشين، قائلة: "لازم نفضح المتحرشين.. ولازم كل البنات حتى لو تعرضوا للتحرش من المحارم وده فيلمي الأخير بيتكلم عنه، وأياً كانت درجة القرابة تروح تبلغ فوراً وماتخفش ولازم تواجه المجتمع لأنها غير مخطئة والمخطئ هو اللي يخاف مش العكس، فالمواجهة تساعد بقية الفتيات".
وتابعت: "سبب صعوبة تعامل المجتمع مع الفتيات اللاتي يتعرضن للتحرش يعود للرجالة المتحرشين هما اللي بيعملوا ده.. أياً كان المجتمع.. البنت مش بتعمل حاجة غلط هي ضحية وأنا بحب المرأة القوية وأطالب الضعيفة بأن تكون قوية ومواجهة ولازم نساعدهم يبقوا كدة".