سألنا الناس فى يوم السعادة العالمى.. تحب تقول لمين أنت سر سعادتى؟

كتبت شيماء سمير السبت، 20 مارس 2021 02:00 م

يحتفل العالم في 20 من مارس كل عام بيوم السعادة العالمي، ويهدف هذا اليوم إلى الاحتفال بالسعادة في جميع أنحاء العالم، وإلهام الناس لنشر الإيجابية بينهم، ولأن في حياة كل شخص منا بعض الأشخاص الذين يبعثون السعادة في حياتهم، طرح "اليوم السابع" على البعض سؤال "تحب تقول لمين أنت سر سعادتي؟"

"أمي هي سر سعادتي في حياتي كلها، من ساعة ما فتحت عيني على الدنيا وهي شايلة همنا بعد وفاة والدي، وبمناسبة إن بكرة كمان عيد الأم، أنا حابة أقولها انتي سر سعادتي في حياتنا، ربنا ما يحرمناش منك ويبارلكلنا في صحتك." هكذا تحدثت "أسماء" عن الشخص الذي يعد سر السعادة في حياتها.

أما "محمد" فقال إنه يرغب في شكر زوجته لأنها سر سعادته في هذه الدنيا: "زوجتي حبيبتي طول اليوم تعبانة مع الولاد، من المذاكرة واللعب والأكل والشرب، وعمري ما حسيت إن فيه حاجة ناقصاني، ومن غيرها حقيقي إحنا ولا حاجة."

وقالت "شروق" وهي زوجة وأم لطفلين: "ولادي هم سر سعادتي أنا وزوجي، ماليين علينا البيت وحياتنا، رغم إنهم بيتعبوني طول اليوم ويفرهدوني، بس أول ما بيناموا بحس إن البيت ناقصه حاجة، ربنا يباركلنا فيهم يارب."

وأخيرًا قالت "منة": "أنا حابة أقول لخطيبي إن هو سر سعادتي، ومن اللحظة الأولى اللي دخل فيها حياتي حسيت بفرق كبير، ورغم الخلافات العادية اللي بتحصل بين أي اتنين، بس في كل خلاف بتأكد إن أنت هدية ربنا ليا بعقلك وشخصيتك، وبدعي ربنا يتم فرحتنا على خير ويجمعنا عن قريب."