قصة أشيك سباك فى مصر.. 80 سنة معافرة على تليفزيون اليوم السابع
الثلاثاء، 09 فبراير 2021 02:00 ص
أجرى تليفزيون اليوم السابع لقاء مع "حسن كامل" الشهير بـ"أشيك سباك فى مصر"، والبالغ من العمر 80 عاما، وقضى 64 سنة فى مهنة السباكة.
وقال عم حسن خلال لقاءه مع الزميلة شروق وجدى، حول من أطلق عليه لقب "أشيك سباك"، لكونه يخرج إلى عمله مرتديا البدلة: "النظافة من الإيمان وربنا وروسوله أمرونا اننا نلبس كويس ونحافظ على النظافة ، كمان أنا بحس ان لابس الجينز أو التى شيرتات هو لبس غير ملائم بالنسبة ليا عشان كده بفضل ألبس البدلة".
وتابع عم حسن: "عمرى 80 سنة قضيت منهم 54 سنة في شغل السباكة ولسه بشتغل وبحب أحرص دايما على شكلى ولبسي ، وأخرج يوميا للعمل من أجل لقمة العيش".
وعن ارتدائه البدلة وهل دائما ما يذهب للعمل بها، قال: "لما بيكون فيه مكان أغير هدومى، بروح الشغل بالبدلة واغير هدومى والبس هدوم الشغل ، لكن لما بروح فى حتة وعارف انى مش هلاقى مكان أغير مش بلبس بدلة".
وقال "عم حسن" عن مهنة السباكة: "السباكة مهنة مهمة جدا، فالمجتمع لا يستغنى عن السباك أو النجار أو عن ماسح الأحذية ، كلها شغلانات شريفة ، أنا ابتديت المهنة سنة 56 بعد ما حصلت على الابتدائية ، واتعلمت من إخواتى الشغلانة من أيام زمان ، ودلوقت العدة والأجهزة والخامات اللى بنشتغل بيها اختلفت كتير عن زمان".