ابن الفنانة شريفة ماهر: "أمى باعت 100 شقة ومش عارفين فلوسها راحت فين"
كشفت الفنانة شريفة ماهر، تفاصيل أزمتها مع أبنائها واستيلائهم على أموالها وممتلكاتها، مشيرة إلى أنها تزوجت ثلاث مرات، وانجبت من أزواجها الثلاثة، مشيرة إلى أن أبناءها من أزواجها الأول والثانى، يرفضوا الاعتراف بأشقائهم من الأم بسبب الفلوس.
وتابعت قائلة: أنا كرهت الفلوس فى حياتى، وتابعت قائلة" الشيطان بيلعب فى الدماغ، الفلوس بتخلى الواحد بيعمل فى أمه كده، ابنى شريف جاب واحد وخلها تشتمنى على السوشيال ميديا.
وتابعت شريفه قائلة:" ابنى استغل انى مش بشوف، وثقتى ومضانى على ورق من غير ما اعرف، وهو واخد حقه وأنا اللى ادتهوله، وفى العمارة الثانية، اخد شقتين ومحلين وفيلا، مؤكده أنها لم تقم برفع أى دعاوى قضائية ضده ابنها، ولكن ابنها هو من قام برفع دعوى صحة توقيع ضدها.
ومن جانبه قال شعبان شوقي ابن الفنانة شريفة ماهر:" أمى كانت محتاجة فلوس واخويا شريف دخل شريك معاها، وحاولنا نحل الموضوع أكتر من مرة لكنها رفضت وكل تركيزها على الشقة وعايزة فلوسها"، وتابع قائلا:" أمى باعت حوالى 100 شقة ومش عارفين فلوسها راحت فين وبتنكر كل حاجة، ومن بعد أخر جوازة أحوالها ساءت.