الفنان محمد سليمان يوضح سر ظهور تريند "ده هانى"
قال الفنان محمد سليمان: "أنا مبسوط جدا إن يطلع تريند باسمى وأنا هتكلم عن الدراما وهى في رأيى بتخلق حالة افتراضية تستفز المتفرج بطريقة ما سواء أكانت متوافقة مع أفكاره أو مختلفة".
وأضاف خلال مداخلة هاتفية ببرنامج "الحياة اليوم"، مع الإعلامى محمد مصطفى شردى: "مسلسل هذا المساء عرض من حوالى 3 سنوات، وأنا اتسألت السؤال ده كتير ومن تجربة شخصية الأعمال اللى بتتشاف خارج رمضان بتتشاف بجد وأى أعمال عرضت بعيدا عن السباق الرمضانى الناس بتستخدم الجمل اللى في الأعمال وبقينا نشوفه على كوميكس لكن المسلسلات التي تعرض في رمضان بيكون في 15 أو 20 مسلسل".
وتابع: "حاليا أنا أعمل على فيلم من بطولة راندا البحيرى ومجموعة ممتازة وإن شاء الله من الممكن أن يتم عرضه فى السينمات وهو في مرحلة المونتاج، وحاليا ولأول مرة أعمل في فيلم رعب، وأفضل انسيرت بيعجبنى هو اللى حطوا فيه صورة الفنان سعيد صالح كان هيموتنى من الضحك".