أغرب قصة طلاق متداولة على السوشيال ميديا.. مأذون ينصح كل متزوج "يخلى باله من فانلته"

كتب خالد إبراهيم الجمعة، 04 سبتمبر 2020 04:51 م

روى شاب يعمل مأذونا يحمل اسم أحمد رأفت، واقعة طلاق كوميدية، انتشرت بشكل كبير على مواقع التواصل الاجتماعى، وتحديدا "فيس بوك"، حيث حقق البوست أكثر من 9 آلاف مشاركة، بخلاف التعليقات الساخرة التى قدرت بالآلاف، حيث أكد رأفت أن سبب هذا الطلاق كان "فانلة".

وقال رأفت عبر حسابه على فيس بوك، "بقالي ٧ سنين شغال مأذون اغرب حالة طلاق جاتلي من ساعة ما اشتغلت.. الزوجين حضروا فأنا الطبيعي بسأل على أسباب الطلاق.. قالت الزوجة علشان بيخونى فقولتلها حضرتك عندك دليل بالكلام دة قالتلى انا شكيت فيه لكذا سبب فالصبح وانا بلبسه الفانلة لبستهالو بالشقلوب ولما روح وبيغير لقيتو لبسها بالمعدول فا أتأكدت انو بيخونى.. خلتني قومت من مكاني وسقفتلها وابليس رمي السيجارة وقعد يعيط.. فا انا بنصح كل راجل يخلي بالو من فانلاته وبكسراته وشراباته علشان دول ملهمش ملة"

 

 

وتلقى رأفت العديد من التعليقات الساخرة، من أزواج وزوجات، وأيضا من شباب لم يتزوجوا، فيما قالت متابعة: " سبحان الله على الفراغ دة طب هى فاضية كدة تهتم بنفسها واية سبب اهملها بس مش له الحق فى خيانة"، وعلق ثالث، " ايه ده ثانية واحدة.. مراته اللى بتلبسه الفانلة"، وقالت أخرى، " سبحانك يارب جعلتنا كيدنا عظيم علشان نعرف نعيش مع ابالسة الانس"، فيما قال مصطفى، " خلي بالك من فنلتك لازم كل واحد فينا يخاف من فنلته"