شيرى وهيدى يسترجعان زمن الجوابات الغرامية بـ"راجل و2 ستات".. نهال عنبر تحكي عن قصصها الغرامية.. شيري: "ولاد الجيران كانوا بيبعتولى جوابات".. وهذا رد المذيعات على سؤال "فاكر تاريخ جوازنا؟"
تناول برنامج "راجل و2 ستات"، المذاع على فضائية "ON"، مع الإعلامية شيري والفنانتين نهال عنبر وهيدى كرم، عدة موضوعات متنوعة، على رأسها، زمن الجوابات الغرامية.
"فاكر تاريخ جوازنا؟"... تعرف على رد مذيعات "راجل و2 ستات"
قالت الفنانة هيدى كرم، إن المرأة عبارة عن ذاكرة بالتواريخ، ونجد المرأة دائمًا تتذكر التواريخ المهمة في علاقتها بزوجها، مضيفة أنها لا تتذكر أغرب التواريخ في علاقتهما: "مش فاكرة تاريخ خطوبتى".
من جانبها قالت الفنانة نهال عنبر: "فاكرة تاريخ كتب كتابى 24 سبتمبر، بس مش هقول السنة"
وفى سياق متصل قالت الإعلامية شيري: "أول يوم شوفت فيه خالد ودخلنا المكان اللى اتقابلنا فيه الشغل، 9 ديسمبر 2002، كان أول يوم أنزل فيه مجال العمل وكان أول لقاء بالصدفة قابلت خالد وانطبع التاريخ في ذاكرتى".
شيرى: "ولاد الجيران كانوا بيبعتولى جوابات غرامية"
قالت الإعلامية شيري، إنها كانت تتلقى جوابات غرامية، مضيفة: "كان بسيبها تحت الدواسة، تجيلى مع صاحبة ليا، مكنتش برد كتير بخاف أتقفش".
وفى السياق ذاته قالت الفنانة هيدى كرم: "مجاليش جوابات غير من شخص واحد اتعرفت عليه في اليونان"، مردفة: "كان موهوب جدا في الرسم، وكان بيرسم في الظرف لوحات فرعونية، حاجة خطيرة، وأنا محتفظة بكل الجوابات لغاية النهاردة".
نهال عنبر تحكي عن قصصها الغرامية في زمن الجوابات
قالت الفنانة نهال عنبر، إنه كان هناك أغنية جميلة زمان للمطربة نجاح سلام تقول كلماتها: ""عاوز جوابتاك خدها خلصنى منها" وكانت تفضلها، حيث كان التواصل قديمًا عبر الجوابات.
وأضافت: "قبل جوازى كنت مرتبطة بشاب في أمريكا، وكان في جامعة وأنا في ثانوية عامة، وحصل بينا تاتش، كان بيبعتلى جوابات على المدرسة".
وتابعت:"كانت بتجيلى الجوابات، ولكن آخر جواب كشفنى، قررت أسافر فجأة، ومأخدتش الخاتم، كان بياخدوه مع التخرج، وماخدتش الخاتم، وقالى هبعتلك العروسة اللى بيتحبيها في عيد ميلادك"، مردفة: "المدرسة كلمت أخويا، واستلم الجواب والعروسة وبعتهم لماما، لأنى كنت بكتب مشاعر حلوة وشعر".