الكاتب محمد سلماوى يحكى موقفاً طريفاً له داخل السجن عام 1977
الخميس، 02 يوليو 2020 09:43 م
قال الكاتب محمد سلماوى، إنه لم يشارك في انتفاضة 1977 ورغم ذلك تم اعتقاله، مشيرا إلى أنه تابع انتفاضة يناير 1977 وهو في قسم الشرطة.
وحكى سلماوى خلال لقائه ببرنامج "رأى عام"، على فضائية "ten"، مع الإعلامى عمرو عبد الحميد، موقفا طريفا له في السجن، قائلاً:"مجرمين كتير كانوا بيقولوا الأخ عمل ايه، فهموا إني معملتش حاجة، فقالوا دا أكيد مسجون سياسى"، مردفاً:"واحد مضروب ببشلة بيقولي لو معاك فلوس هات اشيلهملك لاحسن حد يسرقهم منك وانت نايم، وبالليل صحونى وقالولى الضابط بينادى عليك، وقالولى تعالى، وأنا ماشى لقيت واحد بيزعق وقال الراجل له حاجة عندى وادانى الفلوس، دا راجل مجرم، وشوف أخلاقياته وشهامته".
وتابع الكاتب محمد سلماوى، :"مكنش حد يتوقع إنى أتسجن، والأسرة وقفت جنبى"، مردفاً: "اسمى ورد ضمن اعتقالات سبتمبر 1981 لكنى كنت خارج البلاد".