أسما شريف منير تحتفل بعيد ميلادها: عائلتى الصغيرة هى أكبر إنجازاتى.. صور

كتب محمد تهامى زكى
السبت، 04 أبريل 2020 04:13 م

تحتفل الإعلامية أسما شريف منير، بعيد ميلادها، الليلة، مؤكدة أن أهم إنجاز فى حياتها هى عائلتها الصغيرة، ابنتها لارا السكرى وزوجها الفنان محمود حجازى.

ونشرت أسما، عبر حسابها على انستجرام، صور لها مع ابنتها وزوجها، صحبتها بتعليق: "طيب النهارده الساعة 12 هيبقى عيد ميلادى، سنة كمان عدت من عمرى، وكنت عماله أفكر يا ترى عملت حاجه ليها معنى ولا هى سنة عدت كده وخلاص".

وتابعت أسما: "اكتشفت ان عائلتى الصغيرة دى هى أكبر إنجازاتى وأهم حاجه عملتها، قعدت أفكر أنا عديت بحاجات كتيرة أوى معاهم فى السنة دى، زعلت منهم وفرحت معاهم وبيهم واتعلمت كتير كزوجة وأم وكل يوم بتعلم، ربنا يديهم ويدينى العمر ونفضل ديماً مع بعض، وبرضه اكتشفت إن فى حاجات كتير لازم أعملها كنت مكسله عنها ومن السنه دى هغير حاجات كتير، ألذ حاجة إن عيد ميلادى السنه دى هيبقى ليل/ دخلى".

يشار أن الإعلامية أسما شريف منير، تعرضت مؤخرا لحملة هجوم كبيرة، من قبل جمهورها ومتابعيها عبر منصات السوشيال ميديا المختلفة، بعد هجومها على الشيخ محمد متولى الشعراوى، وخرجت الإعلامية فى العديد من المرات للدفاع عن نفسها وللاعتذار عن وصفها للشيخ الشعراوى بالسوء.

وعلقت أسما منير، على هذا الهجوم، قائلة: "لما لم أوفق فى تعبيرى عن أحد آراء شيخنا الجليل، انتم شايفين أن الصح أنى اتشتم كم الشتائم دى انا واهلى، هل الصح انهم ينادوا بقطع عيشى، هل الصح إنى اتحاكم واتقتل وأتشنق ده كلام ناس بجد مش مجازاً هل بنتى تتيتم عشان قولت كلمه لم أقصدها واعتذرت عليها، محدش فاهم يعنى ايه تكون بتتهاجم من الآفات مره واحده بالعنف ده وكله بيفسر على مزاجه".