"الجدر".. شعر يجسد بطولات وتضحيات رجال القوات المسلحة للمخرج أحمد عاطف
الخميس، 30 أبريل 2020 11:55 م
ثابت فى الأرض زى الجدر
ثابت على مبدئه
مهما اتقلب عليه الدهر
دمه علم
ضله حياة
بيحمى بلده ويسبح الكون للإله..
لما الشمس بتغرب. هو ينور ضهر الكون
بيحمى شعبه ويخلى روحه تهون
عمرك شفت شكل الجدر
ممشوق كما المعجزة
واصلى زى المهر
كله براءة وطهر
عمرك شفت شكل الجدر
نابع م الارض زى النهر
يروى كرامة وطن
ويضحى روح او بدن
ضحى الجدر بورقه. ضحى الجدر بكفه
ضحى الجدر بفرعه. ضحى الجدر بجسمه
بس ما يضحيش باسمه.
ضحى الجدر بكل شئ وابتسم م الخجل
تقول له انت بطل. يقولك انتوا الامل
تقول له أديك أيه. يقول دا ألمى عمل:
أنا جيت وواجبى كدا
دورى أصد العدا
ما اقدرش اكون غير جدر
ما اقدرش ما اضحيش
إيه يعنى لما أموت ووطنى يعيش
ماتموتش يا جدرنا . خليك كدا جنبنا
ومين يصون حضننا
إزاى بلدنا تعيش من غير جدور
فى ظلمة الإرهاب هما النور
فى رحلة البنا هما البدور
وهم أصل البلد فى كل العصور
أبطالك يا بلدى هما الجدور