"اسمك صحيح منسى لكن مذكور".. قصيدة عن الشهيد أحمد المنسى للشاعر وائل السمرى
يعد الشهيد أحمد المنسى، واحدا من أبرز الشخصيات التي سيحتفظ التاريخ الحديث فى مصر بأسمائها، فقد ضحى بكامل إرادته فى سبيل الوطن، وقد كتب الشاعر وائل السمرى، رءيس التحرير التنفيذى لليوم السابع، هذه القصيدة فى محبة أحمد المنسى.
طريقين قصاد ابن آدم. وخطوته سبقاه
رجليك شمال ويمين وانت عليك الاتجاه
والاختيار ده قرار وفِي ايدك الدفة
يا اما تزرع موت يا اما تحصد حياة
يا صقر فارد في الفضا جناحك
يا ابن العلم والأرض يا ابن النور
يا عريس منور كل افراحك
اسمك صحيح منسي لكن مذكور
يا حقيقة اجمل من خيال شاعر
يا مبتلي بالحب والإخلاص
انا لسه فاكرك والزمان فاكر
وإزاي هننسى اللي رافع راسنا بين الناس
يا منسي فاكرينك.. حافظين دواوينك
ده انت القمر في علاه ..والشمس في جبينك
واللي ما يتسموا .. في الضلمة يتلموا
تطلع بنور الله.... تقهر عدوينك
يا ابو ضحكة زي التوتة ع الشجرة
يا ابو قلب زي النيل متعافي ومسامح
شيلت الجبال علشان توهب لنا بكرة
وهما كان حلمهم ياخدونا لامبارح
يا صانع المعجزة ،، يا حامل الراية
يا اللي دفعت الأذي بسلاح وضحكاية
يا حي بين اموات جبت الجمال ده منين؟
وإزاي زرعت الدفا في سمايا وغنايا