فى زمن الكورونا.. الرجالة فى المطبخ ويستعرضون إنجازاتهم على السوشيال ميديا
"الفضا يعمل أكثر من كده".. كلمة ترددت كثيرا على لسان النساء والرجال خلال الفترة الماضية عبر وسائل التواصل الاجتماعى بسبب تصرفات البعض غير المتوقعة عكس روتينهم اليومى بسبب إقامتهم فى البيوت وقتا أطول، لكن التصرف الذى تداوله الكثيرون لرجال يقومون بالطهى داخل المطبخ لشغل وقت فراغهم خلال تواجدهم بالمنزل خلال فترة العزل من منطق شغلى زوجك.
محمود الحداد، 21 عامًأ، شارك اليوم السابع حكايته مع الطبخ قائلا، "كل الحكاية إنى بحب الطبخ جدا، ودى هواية عندى ومخدتش كورسات للأسف لسه ومش بدرس حاجة لها علاقه بالطبخ ولكن الفضل لوالدتي وأختي الكبيرة".
وأضاف محمود، "فترة العزل اللى إحنا فيها دى خلتنى بقيت أقعد فترات أطول فى المطبخ توصل لساعات طويلة وكمان أقعد على اليوتيوب أشوف أكلات معينة وأعملها فى البيت".
وعن أكثر أكلة يحب طهيها قال محمود "بحب الحاجات الحادقة بشكل عام والمخبوزات وحسب الوصفة فلو حادق بقعد ساعتين وبليل اخش برده أعمل حاجة تانية، ولو مخبوزات بتطول جدا، مثل باتيه ميني بيتزا وكرواوسون و الباستا المكرونه الاسباجتي او الفوتشيني".
وعن رأى أمه وأخته فى صنع يديه قال محمود، "طبعا حابين كدا بس حابين إنى كنت أنزل اشتغل أكتر، علشان أعرف ناس أكتر وأتعلم على إيد شيف، وخلال فترة العزل كتير أنا اللى بعمل الأكل للبيت كله زى المكرونه بالبشاميل والبانيه، وكفته مشويه وشاورما وبيتزا".
وعن نظرة المجتمع للرجل الذى يدخل المطبخ قال محمود:" افضل شيفات العالم رجال والطبخ دا مزاج ، والمطبخ هو الحياة بصراحة".
تعليقات النساء عبر الفيس بوك كانت اغلبها تهكم حول ملابس الرجال خلال الحشو او تقشير البطاطس فيما أشادت الأخريات باحترافية لف إصبع المحشى وشكل المأكولات بتعبيرات من نوع "دا لافف صباع المحشى بطريقة ما تطلعش من ايد ست بقالها عشرين سنة بتلف محشى".
فيما اكتفت بعضهن بمشاركة الصور وكتابة تعليق "لازم القهاوى تفضل مقفولة لسنة قدام الرجال يبدعون فى المطبخ".