رضوى الشربينى تقدم روشتة لكل بنت خايفة على خطيبها من الحسد
وجهت الإعلامية رضوى الشربينى، رسالة إلى الفتيات التي تتغير في تعاملها مع صديقاتها بعد الخطوبة، قائلة: "مجموعة من البنات مضايقين من واحدة صاحبتهم فجأة اتخطبت ونزلت صور خطيبها وعلى وشه قلب، عشان متعرفش الناس هي خطبت لمين، وتكتب أخيرا أملكه".
وأشارت رضوى الشربينى خلال تقديمها برنامج "هي وبس"، على فضائية "cbc سفرة"، إلى أن صديقات الفتاة أعربوا عن غضبهن من صديقتهن، لتخوفها من التعرض للحسد، معلقة: "اللى بتقول أخيرا بقى ملكى، هو مكنش عليه رهن، دا مواطن عادى وبنتخطب ونتجوز، وليه بتتصوروا مع خطابكم وأحبابكم وعلى وشه قلب، خايفة عليه من الحسد ومش خايفة عليه".
وتابعت: "لما أجى أحب وأتخطب وأتجوز على سنة الله ورسوله ماقولش للناس، ممكن دارى على شمعتك تقيد في الشغل أو بداية العلاقة، لكن الخطوبة مش هيتخطف أو يتحسد"، مردفة: "واحدة هتيجى تعلب عليه وراح لها يبقى المشكلة فيه أكتر ما فيها، الاتنين مع السلامة، هتبقى صاحبتك خاينة وهو بيروح لأى واحدة".
وذكرت رضوى الشربينى، أن الخوف من الحسد على السوشيال ميديا يكون للأطفال فقط، مستطردة: "بتعملوا حاجات غريبة بإنكم مش عاوزين تكتشفوهم قبل الجواز".