هانى مهنا: خوفت أنزل حمو بيكا من على المسرح يقول كلمة مش لطيفة والفرح يبوظ
قال الموسيقار هاني مهنا، إنه لم يتلق قبل ذلك مع حمو بيكا، مشيرا إلى أنه ليس لديه مشكلة فى حضوره حفل زفاف ابنته كمدعو وليس كمطرب، لافتا إلى أن كل المطربين الذين حضروا الحفل لم يحصلوا على مقابل مادى.
وتابع الموسيقار هاني مهنا في تصريحات لتليفزيون اليوم السابع، قائلا:"وأنا قاعد على الترابيزه في الفرح فوجئت بحمو بيكا على المسرح، أنا فكرت كذا مرة لو أنا روحت أو بعت حد عشان ينزله من على المسرح هو في ايده الميكرفون ويقول كلمه مش لطيفه، لو قال كلمة مش لطيفه جايز حد يتعدى عليه وتحصل مشكلة وكده هبوظ الفرح مينفعش، بس كل ده فكرت فيه".
وتابع قائلا: أنا خمنت أن منظم الفرح صاحب عمر كمال هو اللى دعاهم للحضور، وبعدين لما هنادي صحيت من النوم كلمتنى وقالتلى أنا يا بابا اللى كلمتهم وعزمتهم مردتش اقولك عشان هترفض وأصحابي كلهم أصروا وحلفوني أنى أدعيهم، وهيا كلمت عمر كمال، ومكلمتش حمو بيكا، كل ده من ورايا، خلاص حرية رأى فرح، وده مش اعتراف أن الإنسان اللى ضد النقابة أو ضد الفن حتى يبقى خلاص ندبحه.