عمرو أديب عن طلبات تركيا وقطر بمقاطعة المنتجات الفرنسية: أخركم تقاطعوا حتة جبنة
أكد الإعلامي عمرو أديب، أن من قتلوا في فرنسا على يد المتطرف التونسي ليس لهم علاقة بالرسوم المسيئة للرسول الكريم، وقال: "بأي ذنب قتلوا الناس دي، الست العجوزة دي مالهاش علاقة بالحادث، الراهب اللي اتقتل ده ذنبوا إيه، هو اللي رسم الرسوم المسيئة؟ مستحيل يكون ده تفكير سليم أو له علاقة بالدين، أن ضيعت حقك من أخدتك حقك".
وأضاف عمرو أديب خلال برنامج "الحكاية" الذي يذاع على قناة mbc مصر: "مصر حذرت أوروبا كلها من التطرف ده ومكنش حد مصدق، كل ده الرئيس قعد وقالوا لزعماء أوروبا، دلوقتي بس صدقوا، وبالنسبة للمقاطعة اللي بيطلبها أردوغان من الناس، متقاطع أنت الأول وأقفل مصنع رينو عندك ولا مش عارف ولا قادر؟ لا قاطع أنت الأول وريني شطارتك، هتفضل الأدوية والمنتجات الفرنسية موجودة في فرنسا".
وقال: "قطر اللي بتطالب الناس تقاطع مستوردة من فرنسا السنة اللي فاتت بـ4 ونصف مليار، مين أحق بالمقاطعة يا قطر، والرافال اللي قلبتوا الدنيا عشان تاخدوها، مش هتقدروا، أنت أخرك تلغي علبة جبنة وإزازة لبن، الناس دي بتصطاد في المياه العكرة، ومن سنتين بالظبط مكنش في غير مصر هي اللي واقفة قصاد تركيا، دلوقتي كله بدأ يفهم والعالم كله واقف قصاد تركيا، عرفوا أن الله حق".