محمود الليثى لـ"تليفزيون اليوم السابع": اتشتمت كتير على اللوك بتاعى بالمهرجان
أجرى تليفزيون اليوم السابع لقاء مع النجم محمود الليثى، على هامش فعاليات اليوم السادس لمهرجان الجونة 2020، وأجرت اللقاء الذى كان عنوانه "أسئلة خارج الصندوق" الزميلة منة يحيى بعدسة محمد شيتوس.
ورد الفنان محمود الليثى على سؤال إصابته بفيروس كورونا، قائلاً: "الحمد لله خفيت من كورونا، طبعا دى حاجة بتاعة ربنا وناس كتير كانت بتدعى والحمد لله كانت تجربة صعبة شوية، وتحسى بعد الموضوع ده كنت محتاج الإجازة دى وكنت محتاج أنطلق".
ورداً على سؤال دخلت القسم قبل كدة في خناقة، قال الفنان محمود الليثى:" دخلت مرة القسم في خناقة عربيات كانت حادثة، مسكنا في بعض وخدت حاجة تحت عينى، وبعدين تنازلت عن الموقع".
وقال محمود الليثى:" أنا اتشتمت كتير قوى على اللوك اللى أنا عامله في مهرجان الجونة، أنا خفيت من الكورونا وجيت المهرجان".
ظهر الفنان محمود الليثي على السجادة الحمراء، خلال حضوره فعاليات اليوم السادس من مهرجان الجونة السينمائي في دورته الرابعة، ارتدى محمود الليثي بليزر باللون البيج، وتيشرت باللون الأسود، وبنطلون باللون الأبيض، ونسق مع الإطلالة حذاء باللون البيج، واختار تصفيفه شعر كيرلي مرفوع.
وحضر الفنان محمود الليثى على السجادة الحمراء فى مهرجان الجونة السينمائى فى دورته الرابعة لمشاهدة فيلم "Listen" للمخرج آنا روشا دي سوسا، والذى يشارك فى مسابقة الأفلام الروائية الطويلة.