لميس الحديدى: نُعاصر أكبر نقلة فى تاريخ السكك الحديد

علقت الإعلامية لميس الحديدي، على الجدل المثار على منصات التواصل الاجتماعي حول عدم مطابقة الجرارات الأمريكية للمواصفات الفنية وبيان وزارة النقل الصادر اليوم للرد عليه، قائلة:" مش فاهمة فين المشكلة جرارات اشتريناها، وجرار حصل فيه عطل وصلحناه؟  فين المشكلة بقى؟.

 

 وأضافت لميس، عبر برنامجها كلمة أخيرة، المذاع على شاشة ON، قائلة:" دي أكبر صفقة في تاريخ السكك الحديدية في مصر.. أكبر تطوير ونقلة نوعية في السكك الحديدية كنا في مكان وبقينا في نقلة نوعية تانية جرار باظ والوزير قعد مع الشركة وبحثوا إمكانية الاستبدال والإصلاح وفقاً للضمان".

 

 وتابعت قائلة:" عادي زي العربية إنت كمواطن إشترتيها وكان فيها خلل وبتبدلها وفقاً لمعايير الضمان او بتصلحها؟  فين بقى المشكلة أكيد يعني مش هنعد في كل حاجة نقو اوبا صفقة الجرارات الفاسدة وعد بقى نقول صفقة اسلحة فاسدة وصفقة أغذية فاسة؟، فيه غيه ياجماعة إحنا مش لاقيين حاجة نعملها؟".

 

 واكملت لميس:" إحنا عايشين في نقلة نوعية كبيرة جداً في مصر في قطاع النقل والسكة الحديد ودي حقيقة لكن فكرة التشكيك في اي حاجةمش طبيعية حتى الجرار، هوا حضرتك مهندس وكشفت على الجرار ولقيته مستعمل مثلاً أو اخدناه من صفقة قديمة؟، والصراحة مش لازم أطلعلك مستندات عشان ارد عليك في مجلس شعب بيراقب الحكومة وفيه مواطن بيركب خدمة وشايفها بتتحسن وهو ده الي ناخد رأيه بتتحسن الخدمة ولالا؟ دي مواضيع تمثل إزعاج على الفاضي".   

 

 كانت وزارة النقل قد أكدت في بيان أن الجرارات التي تم توريدها لهيئة السكة الحديد من قبل شركة چنرال إلكتريك الأمريكية مطابقة تماماً للمواصفات الفنية التي وضعتها الهيئة والتي تم التقييم الفني على أساسها، كما أن هذه الجرارات مناسبة تماماً لاحتياجات الهيئة ومتطلبات التشغيل على الخطوط.