رانيا يوسف: أحلى خروجة ليا قعدة على النيل وآكل سميط ودقة

رحبت الإعلامية إيمان الحصرى، بالنجمة رانيا يوسف فى برنامج مساء DMC، المذاع على قناة Dmc، ويصور البرنامج على ضفاف النيل، حيث تغزلت رانيا يوسف فى جمال النيل، قائلة: بحب النيل أوى وكل المواعيد الغرامية اتصورت على النيل ولو هقعد على النيل وآكل سميط ودقة هتبقى أحلى خروجة بالنسبة ليا، وأنا شخصية رومانسية جدًا وبحاول أبقى واقعية لأن الدنيا صعب تعيشى فيها رومانسية وتتعاملى بيها كده". 

 

وتابعت رانيا: "بخاف أتعرف على ناس جديدة لأنى أتوجعت أوى ومش هعرف اشتغل وأنا زعلانة وحزينة موجوعة والوحدة صعبة بس أريح من أنك تفضلى وسط ناس كذابة". 

 

وأضافت: "بصحى من النوم بلاقى نفس تريند معرفش على أيه وإللى ماسك السوشيال ميديا بتاعتى بنتى بس لطيف الناس حبانى، وبكره أمسك الموبايل يعنى طلعت تريند بصورة قديمة من سنة بنتى نزلتها وعاملتلها إيديت".