مصطفى قمر: سميت ابنى تيام بالاسم ده عشان يفضل يدعى عليا طول عمره
قال النجم مصطفى قمر: "أنا سميت تيام بالاسم ده، عشان كل الناس اللى تنده عليه تتلخبط فيه عشان يفضل يدعى عليا طول عمره، ولكن أنا من البداية كنت عاوز أسميه تميم أو متيم، وكان ليا صديق قالى على اسم واحد بتاع بيتزا شافه أسمه تيام فعجبنى وسميته بقى بالأسم ده".
وأضاف مصطفى قمر خلال لقائه بصحبة نجله تيام في برنامج "معكم" تقدمي الإعلامية منى الشاذلى المذاع على قناة Cbc، الفرق بين جيلى وجيل ابنى تيام، أن ربنا أداهم مزايا كان نفسنا يحصلنا إحنا في جيلنا لأن أنا دخلت الفن بمجهود ذاتى.
وتابع: "كان نفسى أدرس وأتعلم شوية ولكن كان الموضوع عندى موهبة فقط وكنت بتعلم من الأساتذة حواليا، ولكن تيام من صغره أتولد في بيت فنى وبقى فاهم اللعبة من الأول"
وطرح النجم مصطفى قمر، مؤخرا أغانى ألبومه الجديد "لمن يهمه الأمر 2" الذى يضم 7 أغانى وهى "مسافر" و"عجوز فى المدينة" و"دقى عودك" و"حبك على جبينى" و"سوسنة" و"حنونة" و"هغنيلك"، عبر قناته الرسمية على يوتيوب.
وتعاون قمر فى الألبوم الجديد مع عدد كبير من الشعراء وملحن واحد فقط، ومن الشعراء رضا زايد والراحل سامح العجمى، ولحن مصطفى قمر عدد من أغانى الألبوم، وشارك أشرف السرخوجلى فى الألبوم بتلحين عدد من الأغنيات أيضا، والألبوم بشكل كامل من توزيع مصطفى قمر.