ميار شريف تدخل معسكرا فى إسبانيا.. وتؤكد: اتكتبلى بكل فخر أشيل اسم مصر بأى مكان
غادرت ميار شريف، نجمة التنس المصرية العالمية، مصر متوجهة إلى إسبانيا لدخول معسكر تدريبى استعدادا للبطولات القادمة، معربة عن سعادتها بحفاوة الاستقبال فى مصر عقب عودتها من رولان جاروس.
وكتب ميار، عبر صفحتها الرسمية على فيس بوك، "تعبت كتير فى مشوارى القصير ولسه اللى جاى أكتر، لعبت فى الدور الرئيسى فى رولان جاروس لأول مرة فى تاريخ التنس المصرى، قررت أنزل مصر أحتفل مع كل المصريين بعد المشاركة اللى بعتبرها مجرد بداية، استقبال غير عادى، فرحة من القلب، ناس طيبين، فريق عمل فوق العادة، تغطية إعلامية راقية، دعم فوق المتوقع، استقبال رسمى حكومى، فرص كبيرة من مجتمع الأعمال، إجازة سريعة فى أحلى الأماكن فى مصر، الناس فجأة بقت بتتصور معايا وأنا ماشية فى كل حتة".
وأضافت ميار، "نصيحة واحدة؛ مهم جدا إن الواحد يصدق فى نفسه ويكون عنده عقلية الفوز، هفكر نفسى دايما بحاجة واحدة؛ دى مجرد البداية، أعاهد الناس بحاجة واحدة؛ هعمل كل اللى أقدر عليه أنى اتصرف صح، بكل الاحترام لنفسى وللجميع، عشان أكون قدوة للأجيال، وأكون أد اسم بلدى اللى اتكتبلى بكل الفخر أنى اشيله فى كل مكان".
وتابعت ميار، "بحمد ربنا على كل حاجة كويسه حصلتلى الفترة الأخيرة، أحلى البدايات، بحب بلدى، أهلى وفريق عملى، وبشكر كل واحد وقف جنبى من كل قلبى.. مسافرة معسكرى التدريبى فى إسبانيا، وهشوفكوا الشهر الجاى على خير، تحيا مصر وأهلها الطيبين".