مواطنون لـ"على مسؤوليتى": مصر بقت حلوة.. ودعوات الخراب تأتي من الخرفان.. فيديو
عرض الإعلامي أحمد موسى، تقريراً لعدد من المواطنين يبدون رأيهم في دعوات الخراب والتخريب التي تم تداولها في إعلام الإخوان وقنواتهم، ورأيهم فيما يحدث في مصر الآن من إصلاحات اقتصادية وسياسية واجتماعية، حيث قال أحدهم: "اللي بيدعو للحاجات دي هما الخرفان اللي قاعدين يتعلفوا في تركيا، دول خليهم قاعدين عند الخليفة العثماني اللي بيحبوه وبيحبهم كلهم خرفان في بعض، البلد بتتقدم ومتأكد إن شاء الله إن الجاي أفضل".
وقال أحد المواطنين في التقرير: "مصر بتتقدم وفي مشروعات وخطوات إصلاح كبيرة بتتم حاليا، ودلوقتي الناس بقت عندها وعي وثقافة وفاهمين الدنيا ماشية ازاي، وعارفين الصح من الغلط، ومستحيل الأيام اللي فاتت دي ترجع تاني، الشرطة والأمن دلوقتي بقوا تمام واحنا ما صدقنا إنه رجع تاني، لأن البلطجة كانت في كل مكان، ومكنش حد بيأمن أنه ينزل من بيته".
أنا من ضمن الناس اللي نزلت في 25 يناير 2011، لكن الوضع وقتها مكنش زي دلوقتي، بلدنا دلوقتي حلوة وفيها إصلاحات في كل المجالات، وفي استقرار في الصناعة والاقتصاد والأمن وده أهم شيء، لو بصينا لكل الدول اللي حوالينا دلوقتي، هنحمد ربنا على الى احنا فيه دلوقتي".
واحتفلت قوات الأمن المتواجدة بميدان التحرير، بمرور 68 عاما على عيد الشرطة، بتوزيع الورود والشكولاتة والهدايا على المواطنين، الأمر الذى قابله المواطنون بالهتاف لرجال الشرطة الأوفياء فى عيدهم الـ68.